Petrovcu se decenijama turisti uvijek vraćaju

Petrovac, koji je decenijama već jedno od najomiljenijih svratišta za turiste sa prostora bivše Jugoslavije, ali i iz cijele Evrope, i ovoga ljeta ima goste-povratnike.

One koji su već boravili ovdje, zavoljeli njegovu prirodu i ljude.

“Gradić za ljetnje ljubavi”, koji je taj epitet dobio nakon emitovanja popularne serije “Ranjeni orao”, u kojoj “igra” jednu od uloga, plijeni raskošnom prirodom-pješčanim plažama nad kojima stražari stoljetna borova šuma, gustim maslinjacima u kojima su smješteni hoteli i komforne vile i apartmani, bistrom morskom vodom u kojoj se ogledaju okolna brda.

Petrovac odavno prepoznaju po veoma dobroj usluzi, kako u hotelima i restoranima, tako i u ribljim konobama, kafićima i privatnim apartmanima, kao i po pristupačnim cijenama.