Moja Crna Gora Crnogorski informativni portal u Srbiji
Amerika je popularna domovina kod Evropljana. Zato i ne postoji evropska država koja nema dijaspore u Americi. Ubjedljivi prvak po dijaspori u SAD-u je Irska, a Crna Gora prednjači po broju dijaspore u Americi u odnosu na druge zemlje regiona.
Zbog ekonomskih, političkih, socijalnih ili nekih drugih prilika brojni ljudi su odlučili da potraže svoju sreću u nekoj drugoj zemlji. Jedna od najpopularnijih iseljeničkih država, proteklih nekoliko vijekova, zasigurno je SAD. U pokušajima ostvarivanja čuvenog američkog sna, milioni iseljenika su upravo u Sjedinjenim Američkim Državama pronašli svoj novi dom, piše portal Kliks.
Crna Gora ima 5% dijaspore u SAD-u, Hrvatska 12%, a Slovenija 8,5%, dok BiH ima svega 3,1%, Srbija 2,9%. Kosovo svoje dijaspore u Americi ima samo 0,1 %, Makedonci 3,7%, a Albanci 7%.
Irska ima više od šest puta stanovnika u Americi, nego u okviru svojih granica. U Americi živi čak 96% Škota, a 74% Velšana u odnosu na broj stanovnika u matičnoj državi. Skoro 40% dijaspore u Americi ima i Velika Britanija, dok Norveška ima čak 71%.
Amerika nije pretjerano popularna zemlja ni među Turcima, tako da Turska ima samo 0,2% svoje dijaspore u SAD-u. S druge strane, Njemcima je Amerika vrlo draga, te oni broje čak polovinu svog stanovništva u SAD-u.
